Ich bèn Stefanie, opgegreujd in de Westelijke Mijnsjtreek, maar vervolgens gewoond in de gemeintes Roerdale, Nijmege, Vènlo en Berge. Van hiël de provincie get mitgepik, es 't ware. Mien dialek is dus ouch neet hiël dudelijk vas te pinne, en det vènj ich hiëlemaol prima zo.
Ich höb 'ne achtergróndj in Duitsje taalkunde en algemeine taalweitensjappe, en dan de psycholinguïstiek in 't bezunjer. Det is de discipline van de taalweitensjap die zich bezig hilt mit 't minsjelijk taalvermoge, en mit wie luuj tale liëre. Nao mien sjtudies aan de Radboud Universiteit in Nijmege bèn ich dao blieve plekke óm colleges te gaeve en óngerzeuk te doon. Ónger begeleiding van prof. Paula Fikkert, prof. Carlos Gussenhoven en dr. Susanne Brouwer sjreef ich 'n proofsjrif euver de Limburgse tonaliteit (dus, 't feit det veer weurd wie 'knien' en 'sjtein' op versjillende menere kènne oetsjpraeke en d'r dan get angesj mit bedoele). Ich óngerzóch ónger angere wie baby'tjes en peuters in de ómgaeving van Remunj det fenomeen liëre begriepe. Ouch höb ich 'n aantal jaor docente Duitsj veur 't veurtgezat óngerwies opgeleid en dao ouch zelf veur de klas gesjtange.
In oktober 2024 höb ich de switch gemaak nao 't Hoes veur 't Limburgs. Bie 't Hoes hawt ich mich bezig mit weitensjap en kènnisdeiling. Det hilt in det ich beveurbeeld aansjpraekpunt bèn veur taalkundige vraoge euver 't Limburgs. Ouch zörg ich det de organisatie oppe huëgte is van actuele (inter)nationale weitensjappelijke inzichte die rake aan ós wirkzaamheje en beleid, zoadet alles wat v'r doon evidence informed is. Ich óngerhawt kontakte mit kènnisinsjtellinge, óngersjteun bie stages en scripties, en draag bie aan óngerzeuk. Op die meneer zeen v'r aangehäök bie belangrieke óntwikkelinge en make v'r optimaal gebroek van de kènnis in ós brejje netwerk.
Daonaevebie bèn ich fanatiek yoga-beoefenaer en gaef ich ouch zelf yogalèsse (ashtanga). Ich kaok hiël gaer en bèn gaer boete in de natuur óm veugelkes te kieke. Ouch sjpeel ich gitaar, same mit miene man Frank höb ich 'n bandje womit v'r gaer nao Zuid-Duutjsland gaon óm volksmeziek te make en beloestere. En jao, ouch óm lekker te aete en te wanjele uiteraard. Mien lievelingsvlaai is kroasjele, evt. mit sjoem (en es 't aeve kènt die van de Bisjöpsmeule in Mesjtreech…).
Mië weite?
Ik ben Stefanie, opgegroeid in de Westelijke Mijnstreek, maar vervolgens gewoond in de gemeentes Roerdalen, Nijmegen, Venlo en Bergen. Van de hele provincie iets meegepikt, als het ware. Mijn dialect is dus niet heel duidelijk vast te pinnen, en dat vind ik helemaal prima zo.
Ik heb een achtergrond in Duitse taalkunde en algemene taalwetenschappen, en dan de psycholinguïstiek in het bijzonder. Dat is de discipline van de taalwetenschap die zich bezig houdt met het menselijk taalvermogen en met hoe mensen talen leren. Na mijn studies aan de Radboud Universiteit in Nijmegen ben ik daar gebleven om colleges te geven en onderzoek te doen. Onder begeleiding van prof. Paula Fikkert, prof. Carlos Gussenhoven en dr. Susanne Brouwer schreef ik een proefschrift over de Limburgse tonaliteit (dus, het feit dat we woorden als 'knien' en 'sjtein' op verschillende manieren kunnen uitspreken en er dan iets anders mee bedoelen). Ik onderzocht onder andere hoe baby'tjes en peuters in de omgeving van Roermond dat fenomeen leren begrijpen. Ook heb ik een aantal jaren docenten Duits voor het voortgezet onderwijs opgeleid en daar ook zelf voor de klas gestaan.
In oktober 2024 heb ik de switch gemaakt naar 't Hoes veur 't Limburgs. Bij 't Hoes houd ik me bezig met wetenschap en kennisdeling. Dat houdt in dat ik bijvoorbeeld aanspreekpunt ben voor taalkundige vragen over het Limburgs. Ook zorg ik ervoor dat de organisatie op de hoogte is van (inter)nationale wetenschappelijke inzichten die raken aan onze werkzaamheden en beleid, zodat alles wat we doen evidence informed is. Ik onderhoud contacten met kennisinstellingen, ondersteun bij stages en scripties, en draag bij aan onderzoek. Op die manier zijn we aangehaakt bij belangrijke ontwikkelingen en maken we optimaal gebruik van de kennis in ons brede netwerk.
Daarnaast ben ik fanatiek yogabeoefenaar en geef ik ook zelf yogalessen (ashtanga). Ik kook heel graag en ben graag buiten in de natuur om vogels te kijken. Ook speel ik gitaar, samen met mijn man Frank heb ik een bandje waarmee we graag naar Zuid-Duitsland gaan om volksmuziek te maken en beluisteren. En ja, ook om lekker te eten en te wandelen uiteraard. Mijn lievelingsvlaai is kruisbessen, evt. met schuim (en als het even kan die van de Bisschopsmolen in Maastricht…).
Meer weten