Digitalizieëring
Um te zörge det de Limburse taal ouch inne towkomst wurtj gebroêktj és ’t essenti-ieël um de taal ouch digitaal optimaal te ontsloête. Dao zétj ’t Hoês zich dus volop vör in en det gebuuërtj al oppe volgendje meneere.
![limburgs_digitalisering_1.jpeg telefoon](https://hoesveurtlimburgs.nl/storage/348/conversions/limburgs_digitalisering_1-default-landscape-crop.jpg)
Limburgs (digi)taal
’t Limburgs wurtj volop gebroêktj in ’t digitaal domiên. De helft vanne Limburgs spraekers geuftj aan ’t dialect te gebroêke op social media, in e-mails en via Whatsapp.
D’n Dictionair
D’n Dictionair és ’t groeëtste en mieëst geavancieërdje gratis woeërdebook vanne Limburgse taal en e vuuërbieëldj vanne digitaal towpassinge voeërtkaomendj uut ’t Limburgse Corpus.
Limburgs Corpus
De ontwikkeling van digitaal towpassinge vör de Limburgse taal en ’t uutveure van modern taalongerzeuk vreugtj um e corpus aan geschrieëve Limburgs taalmateriaol. De Limburgse Academie verzameltj alle geschrifte in ’t Limburgs zoeë as: verhäölkes, (Sinterklaos)gedichte, (vastelaovendj)gezétteknipsels, columns, breeve, daagbeuk, ongerwiêsmateriaol, speeches, boeëdschappeliêstjes, scripts van tenieëlspelle of musicals, en nog völ mieër. Ouch digitaal tekste zoeë as vanne Limburgse Wikipedia, Whatsapp-gesprekke, tweets, enz. Draagtj ouch beej aanne ontwikkeling vanne Limburgse Corpus!
![limburgs_digitalisering_2.jpeg Digitalisering](https://hoesveurtlimburgs.nl/storage/350/conversions/limburgs_digitalisering_2-default-landscape-crop.jpg)