Cursus Leef Limburgs in Echt
De cursus Leef Limburgs voor gevorderden in 't Smaalste Stökske gaat van start! Deze cursus is gericht op het spreken en luisteren van het Limburgs. Meld je nu aan!
Maastrichts
Limburgs es twiede taol
’t Limburgs is te liere! De liergaank Leef Limburgs beejt ‘ne communicatieve liergaank Limburgs es twiede taol (LT2) veur geïntrèsseerde die de Limburgse taol privé, in ’t publiek domein en/of op hun werk wèlle gebruke.
Leef Limburgs
De methood is mèt naome geriech op luuster- en spreekbekwaomheid en weurt aongebooje in versjèllende regio’s (Ech, Heerle, Remund en Venlo, later ouch in Kèrkraoj, Mestreech, Panninge, Sittard en Weert). De liergaank is specifiek geriech op de regio boe de cursusse weure aongebooje, zoonder de complete diversiteit vaan ´t Limburgs mèt alle dialekte oet ´t oug te verlere. Neve ´nen oetgebreide inhaajd op taoleg terrein beejt de cursus ouch ´n oetgebreid aonbod aon regionaol cultuur, literatuur, historie, meziek en mie. Daoneve maak de liergaank dèks gebruuk vaan audio en beeldmateriaol.
Veur cursiste
Limburgs liere? De cursus Leef Limburgs maak ’t meugelek. Biste beveurbeeld iemes dee gei Limburgs sprik umtotste op latere leeftijd nao Limburg bis verhuis? Of mesjiens umtotste in Limburg bis opgegreujd meh de taol neet höbs mètgekrege? Daan biste vaan harte welkom op ein vaan de väöl lèslocaties door gans Limburg. Oeteraard biste zjus zoe welkom este gewoen algemein intrèsse in de cursus höbs Mie informatie? Num gerös kontak op via leeflimburgs@hoesveurtlimburgs.nl. Aonmelle? Haw daan de agenda items op euze website in de gate.
Veur docente
Limburgse lès geve? Dat kint! De docente vaan Leef Limburgs wèrke zelfstandeg of binne ‘ne lokaole gróp. Binne de gróppe is regelmaoteg kontak en dao weurt volop kinnes oetgewisseld. Docente weurt gevraog um ziech aon te slete bij ’t docentenètwerk vaan ’t Limurgs taolgebeed. Este ’t leuk vins um andere te helpe bij ’t liere vaan ’t Limburgs, of wèlste gere hölp bij professionalisering, of wèlste gere mie informatie (zoewie beveurbeeld hölp bij didactische professionalisering of oetlègk euver meugeleke menere um te wèrke mèt ’t lèsbook), num daan gerös kontak op via leeflimburgs@hoesveurtlimburgs.nl.
Agenda
Veur locaties
Biste of höbste ’n gesjikde locatie boe de cursus Leef Limburgs aongebooje kint weure? Beveurbeeld ’n bibliotheek in Limburg? Of wèlste gere mie informatie euver ’t facilitere vaan cursusse? Num daan gerös konktak op via leeflimburgs@hoesveurtlimburgs.nl.