Educatie
Umdat ing mieëtalige opvoeding vöal vuurdele óplieëvert én umdat me i Limburg ópgruit kótbei anger tale, is taaledukasie va belang. Doarum rich ’t Hoes zich óch óp d’r umgank mit mieëtalig opvoede en wat vuur plaatsj ‘t Limburgse doabei kin innumme. Vier bouwe e netwerk óp mit kennis en óngervinging heiuëver en óntwikkele en veure edukatieve produkte en programme in.
‘t Kin en ‘t moag
Óp sjoeël en in d‘r kingerópvank kan me en moag me aadach besjteie aa mieëtaligheed en doamit aa de Limburgse taal. De wet zeët dudelig dat ‘t Limburgs neëve ‘t Nederlands moag weëde gebroek. Doa is dus volop ruumde vuur en ‘t gieëft allrrlei Limburgstalige produkte en materialen doavuur. Geëf kinger en jóngere de kans um óch in ‘t Limburgs te lieëre, want heimit öapent me dure noa ing mieëtalige touwkoms.
Woarum aadach vuur mieëtaligheed?
’t Is e feit dat mieëtaligheed in ózze sameleëving besjteet. Jieëkerinne kunt i aaraking mit anger tale. Aadach geëve aa mieëtaligheed i ‘t óngerwies en de ópvoeding hat twieë doele: het zich bewus zieë va wat me al wit en kint, en ‘t bewus gebroek make doava.
Lieer mieeë
- Beloester de podcast ’De Limburgse taal & Meertaligheid’.
- Beloester de podcast ’De Limburgtaal & Onderwijs’.
- Bekiek dis oetzending va Het Klokhuis uëver mieëtaligheed.
- Of ’t filmke va de Radboud Universiteit Nijmegen ’Iedereen is (een beetje) meertalig’.