Nètwerk Limburgse taol
De Limburgse taol weurt breid gedrage. ’t Hoes veur ’t Limburgs hoejert ’n oetgebreid nètwerk vaan partnerorganisaties wat ziech inzèt veur de Limburgse taol, eder mèt ‘nen eigen invalshook.
Binne Limburg
Cubiss Limburg
Cubiss is ’n oondersteuningsorganisatie die ziech bezeg hèlt mèt vraogstökker roontelum leze, liere en informere binne ’t oonderwies, ’t sociaol domein en de bibliotheke. Cubiss zörg veur oonderzeuk, sjaoling, de organisatie vaan eveneminte, ’t oetsjikke vaan talk shows, podcasts en quizze en ’t oontwikkele vaan produkte en publicaties.
Leerstoel Taalcultuur in Limburg
De lierstool “Taolcultuur in Limburg” riech ziech op oonderzeuk, oonderwies en begeleiing vaan studente mèt betrèkking tot mietaoleg Limburg. Taolcultuur in breie zin boebinne alle taolege en cultureel eleminte vaan taol in Limburg valle. Professor Leonie Cornips is verboonde aon deze lierstool vaan de Universiteit Mestreech.
Levende Talen Limburgs
De sectie Limburgs vaan oonderwiesplatform Levende Talen wèrk aon de professionalisering vaan ’t Limburgs taoloonderwies. Ze doen dat oonder mie door ’t oontwikkele vaan Limburgs lèsmateriaol, ’t oontwikkele en oondersteune vaan cursusse Limburgs es twiede taol en ’t begeleide vaan ’t mietaoleg sjaolprojek 3M.
Limbörgse Academie
De Limbörgse Academie verbint ’t Limburgs mèt d’n digitaole wereld. Door gratis digitaol taolprodukte te oontwikkele, geve ze Limburgers mie digitaol meugelekhede in hun eige Limburgs dialek.
Limburgs Geschied- en Oudheidkundig Genootschap
Het LGOG is dé vereineging op ’t gebeed vaan de Limburgse historie. Ze organisere activiteite, geve publicaties oet en behere mierdere collecties.
Limburgs Museum
Het Limburgs Museum wèk mèt interactieve exposities, eveneminte en de sjoenste verhaole väör joonk en aajd de gesjiedenis en cultuur vaan Limburg tot leve. Mèt dat verleie én ’t noe kieks se nao de touwkoms. Of se noe in Limburg gebore bis of vaan euver de provinciegrenze kums: ’t Limburgs Museum is d’r väör ederein.
Provincie Limburg
De Provincie Limburg stimuleert door de subsidieregeleing Limburgse taol de verbreiing en verjonging vaan ’t Limburgs taolveld. Dees regeling is dao veur Limburgse-taolprojekte geriech op z’n mins de doelgróp 0-18 jaor.
Raod veur ’t Limburgs
De Raod veur ’t Limburgs is ‘nen dinktank dee de Staote vaan de Provincie Limburgs (oon)gevraog advies gief euver ’t taolbeleid op groond vaan de maotsjappeleke en wetensjappeleke expertise vaan de raodslede.
Stichting LIMx
Stichting LIMx oondersteunt de oontwikkeling vaan nui konsepte veur de oondersteuning vaan de Limburgse taol. Ieder projekte zien de podcast ‘De Limburgse taal &…’ en de LIMx Roadshow.
Uitgeverij TIC
Oetgeverij TIC is actief in ’t oetgeve vaan oonder mie Limburgstaolege publicaties en oondersteunt daobij in de redactie, illustraties, vörmgeving en beejt drökbegeleiing.
Veldeke Limburg
Es provinciaole koepel oondersteunt en faciliteert Veldeke Limburg de 10 lokaol dialekkring die ziech mèt d’n inzat vaan vrijwèllegers inzètte veur de plaotseleke dialekte. Veldeke Limburg oontwikkelt heiveur dialekproducte en -deenste, zèt in op communicatie um ’t imago vaan de Limburgse taol te verbetere en focus op de positie vaan de Limburgse taol in ’t oonderwies.
Vereniging voor Limburgse Dialect- en Naamkunde
De VLDN zèt ziech in veur de studie vaan ’t dialektologisch en naomkundeg erfgood vaan allebei de provincies Limburg en perbeert dat doel via wetensjappeleke bijeinkomste, publicaties en deensverliening te bereike.
Willy Dols Stichting
Bij de Willy Dols Stichting kint me terech veur advies euver de Sittardse deilnaome aon versjèllende activiteite in relatie mèt ’t Sittards, zoewie toalcursusse en lezinge.
Boete Limburg
Afûk
De Afûk wèlt samewèrke mèt alle ander organisaties die ziech inzètte veur de Friese taol en cultuur, mèt organisaties die ziech inzètte veur ander minderhiedstaole in Europa en mèt organisaties die ’n groete rol speule in en veur de Friese gemeinsjap.
Akademie för uns kölsche Sproch
De Academie steit veur ’t behaajd en de bevordering vaan de Keulse taol, die altied verboonde is mèt de historie en cultuur vaan de stad Kölle en de versjèllende menere vaan leve vaan häör inwoeners.
Centrum Groninger Taal & Cultuur
’t CGTC is es provinciaol steuninstèlling ‘t lokèt veur immaterieel erfgood in de provincie Groninge. Ze geve advies euver immaterieel erfgood: de Groninger taol en cultuur.
Dialectloket
Dialectloket woort oontwikkeld door de dialektologe vaan de Universiteit Gent um de variatie in eus Nederlandse taol te illustrere. Dialekte, tössetaol, Surinaoms Nederlands, Afrikaons,… alles kump aon bod in tal vaan informatief tekste, digitaol woordebeuk, hoonderde geluidsfragminte, boejende video’s en taolkaarte.
Fryske Akademy
De Fryske Academy is ’n touwkomsgeriechde nètwerkinstèlling die wetensjappelek oonderzeuk nao de Friese casus in internationaol en multidisciplinair perspektief deilt en faciliteert.
Frysk Letterkundich museum en documentaesjesintrum
Frysk Letterkundich museum en documentaesjesintrum beheert foondse bij oondersteuning vaan projekte die blievende weerde höbbe veur de Friese literatuur
Huus van de Taol
’t Huus van de Taol wèlt de Drentse streektaol es touwgevoogde weerde, taolsjat en erfgood ’n plaots geve in de Drentse sameleving. De missie daobij is sumpelweg: ’t stimulere vaan ’t Drents door alderhand activiteite te organisere.
Institut für Landeskunde und Regionalgeschichte
’t LVR Institut für Landeskunde und Regionalgeschichte oonderzeuk de regio Rienland mèt zien bezunder historie, cultuur en taol. Diversiteit en interdisciplinair oetwisseling kinmerke ’t werk op ’t gebeed vaan oonderzeuk, documentatie en communicatie.
Kennissintrum meartaligens jonge bern
SFBO wèlt alle kinder in Friesland de kans beeje ziech twietaoleg te oontwikkele. SFBO hölp bij ’t vörmgeve vaan mietaolegheid in opvaank- en oonderwiessituaties mèt jong kinder.
Meertens Instituut
’t Meertens Instituut is ’n oonderzeuksinstituut wat ziech bezeg hèlt mèt oonderzeuk en documentatie vaan taol en cultuur in Nederland en de Nederlandse taol en cultuur in de wereld.
Overijsselacademie
De Overijsselacademie is e provinciaol kinnescentrum en produktiehoes boevaan ’t gepassioneerd team ’n actief rol späölt in ’t oonderzeuke, deile en hoejere vaan de rieke sjatte vaan de regionaol historie, taol en cultuur.
Raad van Europa
De Raod vaan Europa is ’n intergouvernementeel organisatie vaan Europese staote die ziech inzèt veur de besjerming vaan minserechte, de cultureel versjeienheid en de bestrijing vaan rassediscriminatie en oonverdraagzaomheid in Europa. ’t Europees Handves veur regionaol taole of taole vaan minderhede is door de Raod vaan Europa in 1992 vasgestèld en in 1998 trejde ’t in wèrking.
Stichting Nederlandse Dialecten
De SND is ’n euverlègkorgaan veur streektaolbeleid, boe-in veural streektaolbeleidsmekers en taolwetensjappers vertegenwoordeg zien. ’t Hoofdoel vaan de SND is ’t streve nao e wetensjappelek oonderbouwd streektaolbeleid.
Veldeke Bels(j) Limburg
Dialekvereineging Veldeke beharteg al 90 jaor ’t belaank vaan de Limburgse taol. Daobij is Veldeke Bels(j) Limburg de (zelfstandege) aofdeiling die ziech specifiek op de Belzje provincie Limburg riech.
Verein Ocher platt
De vereineging hèlt ziech bezeg mèt ’t verzörge, promote en behawwe vaan ’t dialek vaan Aoke en zèt ziech in veur de lokaol volkskunde.
Vriewilligerswerk
Veldeke Limburg
Vriewilliger bie Veldeke Limburg. Vriewilligerswerk bie Veldeke Limburg kint besjtaon oet deilnaeme aan besjture of kemissies in versjillende plaatselike Veldeke Kringe of det doon veur de ganse provincie Limburg. Veldeke kint ouch óngersjteuning gebroeke veur appaarte projekte. Det zeen tiedelike, good oetgesjtippelde, dudelik ómsjreve opdrachte mit e daobie heurend oetgezat tiedpaad. Dus ouch as emes zich ins aaf en toe wilt inzitte veur Veldeke, zónger langloupende verplichtinge, is me van herte wilkóm.
Levende Talen Limburgs
Ein belangriek doel van Levende Talen Limburgs is óm vakkundig matterjaal te óntwikkele womit miense die daoveur belangsjtèlling höbbe zich kinne sjole en Limburgs lere. Dink hiebie aan miense van boete Limburg, maar ouch aan miense die in Limburg zeen opgegreujd maar ’t Limburgs noojt zelf höbbe gesjpraoke of geleerd. Óm det doel van Levende Talen Limburgs te bereike is ’t van ’t grótste belang det d’r zoväöl wie meugelik miense lid zeen. Höbs doe, of haet dien vereiniging interesse óm lid te waere? Melj dich dan aan op de algemeine website van Levende Talen of klik eers op deze link veur meer infermasie. Ouch kinne taaldocente zich aanmelje of geweun aanmelje as aankómmend-lid of sjtudent/LIO, laevesgezel van e lid, gepensjeneerd kellega of geweun as belangsjtèllende. De leje wirke in alle óngerdeile van ’t óngerwies: van basissjool, ónger- en baoveboew vmbo, havo, vwo, hbo en wo toet aan ’t óngerwies veur volwasse miense aan toe. Waer lid.
Limbörgse Academie
De Limbörgse Academie verbinjt ’t Limburgs mit de digitale waereld. ’t Team Digitaal Limburgs bringk allemaol tekste bie-ein en sjtik dees tekste zo inein det se digitaal zeen te gebroeke. Ederein kint hie ouch aan mitwirke as vriewilliger. Naem gerös kóntak op.
Lokale Heemkundeverenigingen
In Limburg zeen väöl kleine en grote heemkundevereiniginge aktief. De leje van dees vereiniginge höbbe meistal heel väöl kinnis euver de historiese óntwikkeling van häör plaats of sjtreek.