Heerlens

Vuursjoeëlse edukasie

‘t Hoes wil alle kinger i Limburg de kans geëve zich mieëtalig te ontwikkele. Oet óngerzeuk va universiteite wereldwied bliek dat kinger d’r baat bie hant zich op jonge leëftied mieë wie ing taal eige te make. Limburgs is de taal die vöäl kinger van hoes oet mitkriege en die in ‘t vuursjoeëlse ongerwies ing plaatsj verdeent. ’t Hoes motiveert d’r kingeropvang ’t Limburgs – neëve ‘t Hollensj - zoeëvöäl wie meugelik in te zette. 

Kinderopvang

Wiezoeë dat? 

De Limburgse taal in d’r kingeropvang? ’t Kint en ‘t maag! Volges de wet maags se de Limburgse taal neëve ‘t Hollensj in d’r kingeropvang gebroeke. 

‘t Sjpreëke van mieë wie ing taal hat vöäl vuurdele, want kinger die twieëtalig opgruije: 

  • kinne zich beëter concentrere, focusse en vlotter sjakele; 
  • hant ee groeëter werkgeheuge; 
  • zette letters mekkeliker om noa klanke; 
  • liere later mekkeliker ing nui taal; 
  • hant ee positievere houding ten opzichte van anger tale en culture;
  • kriege later minder sjnel las van dementie;
  • veule zich gezieë en gehoeëd went hun thuistaal d’r maag zieë!

Wie dan?

Gebroek ‘t Limburgs zoeëvöäl wie meugelik binne d’r kingeropvang. Tiedes alle meugelike momente. Doch vuurleëze, leedjes zinge, instructies geëve én truueste in ‘t Limburgs. Reserveer ‘t Limburgs neet alling vuur “een-op-een-situaties”. 

Gebroek d’r Taalgroeimeter um mieë te wete te komme uuever mieëtalige ontwikkeling van kinger. d’r Taalgruimeëter lieët ós zieë wie twieëtalige  óntwikkeling oetziet. Doamit kriege ouwesj en ópvoedersj, opa’s en oma’s aawiezinge um heem te gebroeke: in ’t Limburgs, ’t Limburgs en Nederlands, Nederlands alling óf in ing anger sjproak. 

Doch mit aan Zjuulke, hét programma vuur de Limburgse taal in d’r peuteropvang. Hei onger mieë uuever Zjuulke.

Zjuulke

Zjuulke is inne Limburgse peuter deë de mascotte is van d’r ‘twieëtalige kingeropvang’. Zjuulke wilt kinger de kans te beije zich twieëtalig te ontwikkele: Hollensj én Limburgs. 

Limburgs is de taal die vöäl kinger van hoes oet mitkriege en die in ‘t vuursjoeëlse ongerwies ing plaatsj verdeent. Zjuulke motiveert d’r kingeropvang ’t Limburgs – neëve ‘t Hollensj - zoeëvöäl wie meugelik in te zette. 

De plaatsje woa dat gebuët zint:

  • De Rakkertjes (MIK & PIW Groep, Born)
  • Peutergroep De Rode Loper (MIK & PIW Groep, Sittard)
  • Peuteropvang Montessori (MIK & PIW Groep, Maastricht)
  • Eigen Wijz (Peuteropvang Heerlen)
  • Speelbal (Peuteropvang Heerlen)
  • Peutertuin (Peuteropvang Heerlen)
Zjuulke

Kleurplate

Download  hie onger de kleurplate van Zjuulke en Leike.

Wie kins se mitdoeë?

Gans eenvoudig, geweun beginne!

Ing meneer is um te keeze vuur de “één-gezicht-één-taal-methode”. Kingeren koppele taal vlot aan ‘t gezich van d’r opvoeder. Ze zunt sjnel gewend aan ing leidster die consequent teëge álle kinger plat sjprikt en aan de anger die Hollensj kalt.

Weë kling wil beginne, kint sjtarte met gebroek te make van leedjes, versjes en beuk die momenteel ontwikkeld zunt en weëde.

Mieë wete en mitdoeë?

Op verzeuk beije vier ongersjteuning op locatie, woeëbie vier os expertise dele en same kieke noa passende meugelikhede. 

V’r advisere kingeropvangorganisaties en pedagogisch medewerkers neet alling bie deelname aan Zjuulke, mèh ooch bie ‘t formulere van taalbeleid en d’r oetveur d’rvan in d’r praktijk.

Mieë wete, has se interesse um mit te doeë aan Zjuulke of wils se Zjuulke op locatie oetnuuedige? Num dan contact op via info@hoesveurtlimburgs.nl. 

Sjpieële, kieke, (vuur)leëze en zinge

Lezen

Ongerzeuk

MIK & PIW Groep en Zuyd Hogeschool hant ongerzeuk gedoa noa ‘t gebroek van ‘t Limburgs in d’r kingerópvank. Oet dit ongderzeuk bliek dat:

  • mieë es de hoafsjeed va de respondente kalde Limburgs mit hön kinger;
  • vöal misversjteng besjónd uëver de wettelige reëgelinge vuur ‘t gebroek van ‘t Limburgs in de kingerópvank;
  • me wil wete wie me mieëtaligheed i praktijk kin bringe.