Kuns en kultoer
D’r Kultoer en Kuns sjteet i Limburg óp e hoeëg peil! In dees provinsie vingt me volóp en eëveral moeziek, tejater en letteren, allerlei ouw tradisies, nuie initsjatieve va hoeskamer bis buun, zoewaal vuur touwjouwers es vuur d’r beoefeneer. Ós Limburgse taal is mit dees kunst en kultuur-utinge sterk verbónge.
Moeziek
Limburgstalige moeziek gieëf ’t zich in allerlei vörme, va vastelaovesleedjes bis pop en hiphop. Lieër mieë uëver de Limburgse taal en moeziek:
- Gank noa Streektaalzang, vuur e uëverzich va dialekgroepe i Nederland.
- Bekiek de Nach van ’t Limburgs Leed, voor nuie en kreatieve Limburgstalige moeziek.
- Loester noa Plat-eweg, hét Limburgstalige radioprogram.
- Bezeuk Pop in Limburg, vuur informasie en óngersjteuning vuur moezikante i Limburg.
- Bekiek Zing Nog Ens, de dialek variant va Beste Zangers.
Lettere
‘t Werk va d’r middelieëwse dichter Henric van Veldeke is ‘t ieëjste Limburgstalige wirk óp sjrif wat v’r kenne. Noa Henric zint vöal sjrievers gevolg en hüjtsedaags genete v’r nog van geschrieëve Limburgstalige werk, va proklemasies bis poëzie en va webtekste bis thrillers. Lieër mieë uëver de Limburgse taal en lettere:
- Gank noa Veldgewas, vuur e blaad vuur en uëver de Limburgse taal.
- Gank noa Platbook, vuur ing reeks blomlezëinge in ‘t Limburgs.
- Bezeuk het Huis voor de Kunsten Limburg, vuur advies en óngersjteuning in de lettere.
Tejater
Limburgstalig tejater hat ing lang tradisie. Durch de ganse provinsie hin weëde opera’s, revues, leedjesoavende en amateurtonieël in ‘t plaatsjelik dialek ópgeveurd. Num kennis va de Limburgse taal en tejater:
- Beloester de podcast ‘De Limburgse taal & Humor’.
- Gank noa Toneelhuis Limburg, vuur informasie en óngersjteuning es toneelmaker i Limburg.
- Bezeuk het Huis voor de Kunsten Limburg, vuur advies en óngersjteuning in tejater.
Vastelaovend
De Limburgse taal en Vasteloavend zint sjterk mitee verbónge. De Vasteloavend beleëf me mit proklamaties, leedjes, óptochttekste, vuurdrachte, radio, tv, carnevalsgezette, zittingsoavende, buutte, dialekmesse. Meh vasteloavend is boavenal mitee samezieë. Lieër mieë uëver de Limburgse taal en de carneval en download hei ‘t ongerzeuksrapport ‘Limburgse taal en Carnaval: Identiteit, tradities en rituelen’. Bekiek óch:
- De podcast ‘De Limburgse taal & Vastelaovend’.
- D’r Bond van Carnavalsverenigingen in Limburg, vuur informasie en ongersjteuning va carnevalsvereniginge.
- ‘t Limburgs Vastelaovesleejdes Konkoer, vuur Limburgs groeëtste carnevalsmuziek wedsjtried.
- ‘t Kinjer Vastelaovend Leedjesfestival, vuur Limburgs groeëtste kingerkarnevalsmoezik festival.