Hoeëger ónderwies
Miertaligheid en de rol van de Limburgse taal dao in. De kins dao euver liere, de kins liere ’t toe te passe, aevel ’t is ouk te ónderzeuke. Waat dien wies ouk is um mit miertaligheid aan de slaag te gaon, ’t is wiechtig.
Bachelor- en masteropleidinge
Pabo-opleidinge
De studente aan de beide pabo’s in de pervins (de Nieuwste Pabo en Pabo Fontys) waere al vanaaf ’t ierste lierjaor ónderweze in de veurdeile van miertaligheid. Heej beej wuurt neet allein ingezoemp op de veurdeile van ’t Limburgs as ierste of twieëde taal maar miertaligheid is in de volle breidte ónverdeild ónderdeil van ’t aanbod beej ’t vak Nederlands.
Centre for Language Studies (RU)
As taalweiteschapstudent aan de Radboud Universiteit Nijmegen is ’t meugelik dich te verdepe in miertaligheid. ’t Centrum veur taalstudies van de RU duit ónder andere ónderzeuk nao cognitieve en óntwikkelingsaspecte van miertaligheid. De ónderzeuksgroep helt zich ouk bezig mit outreach-activiteite zoeë as ’t Kletskoppe Kindertaal Festival.
Minorities & Multilingualism (bachelor RUG)
Mit ’t bachelorprogram Minorities & Multilingualism van de Rijksuniversiteit Groningen liers se alles euver tale, culture, geschiedenis en politiek van etnolinguïstische minderhede in de waereld. Vaerder liers se ouk wie des se ónderzeuk duis nao thema’s die minderhede en miertaligheid aangaon.
Taal- en cultuur studies (bachelor UU)
Taal- en cultuur studies aan de Universiteit Utrecht beje dich as student de meugelikheid um dich via ’n keuzevak te richte op miertaligheid. Heej in liers se taal van d’n eine kant kinne as ’n kómmunicatiesysteem en van d’n andere kant as ’n cultureel verschiensel. In de twieëde helf van ’t ierste jaor van de bachelor maks se as student kinnis mit dien gekaoze hoofrichting. mit de hoofrichting ‘Moderne talen: educatie en miertaligheid’ kins se dich, waal neet specifiek in de Limburgse taal, vaerder verdepe in miertaligheid.
Proofsjrifte
Promovenda vanoet verscheie universiteite neme de Limburgse taal en aanverwante ónderwerpe as ónderwerp van eur proofsjrifte. Inkele veurbeelde:
- ’t Proofsjrif van Lotte Thissen Talking in and Out of Place.
- ’t Proofsjrif van Stefanie Ramachers Setting the Tone:
Acquisition and processing of lexical tone in East-Limburgian dialects of Dutch.
Stages
- ’t Meertens Instituut in Amsterdam is ’n ónderzeuksinstituut dat zich besjeftig mit ónderzeuk en documentatie van taal en cultuur in Nederland en Nederlandse taal en cultuur in de waereld.
- Stage beej NL-lab wao-aan Leonie Cornips as ónderzeuker is verbónde. NL-Lab óntwikkelt ónderzeuk nao Nederlandse cultuur en identiteit hui en vruger.
- Stage beej ’t Huis voor de Kunsten Limburg (HKL) discipline (Limburgse) taal en lettere. ’t HKL zet zich, same mit partners, in um de Limburgse taal in de Limburgse samelaeving laeventig te halde.
Scripties
Studente vanoet verscheie studierichtinge neme de Limburgse taal en aanverwante ónderwerpe as ónderwerp van eur studieopdrachte en scripties. Inkele veurbeelde:
- De Masterscriptie van Gino Morillo Morales (2017) euver de miertalige peuterspeulzale in Eijsden-Margraten.
- De Masterscriptie van Romy Roumans (2018) euver ’t twieëtalig Limburgs-Nederlands opvoede en ’t effect dao van op eur laes- en schriefvaardigheid.
Ónderzeuksmeugelikhede
- Leerstoel Taalcultuur in Limburg, Universiteit Maastricht. De lierstool ‘Taalcultuur in Limburg’ duit ónderzeuk, guuef ónderwies en begeleidt studente mit betrekking tot taal in Limburg. Alle culturele elemente van de taal in Limburg kómme aan bod.
- Dich op ’n andere meneer inzette veur de Limburgse taal? Höbs dich al ’n idee of wils dich juus inspiratie opdoon um dich veur de Limburgse taal in te zette? Neem dan kóntak mit ós op.